عندي لكم سئ

[دلوعه والكلمه مسموعه]

بسم الله الرحمن الرحيم
السلام عليكم ورحمة الله وبركاته
وبعد.............................................. ............

انا عندي كتاب اسمه مشاغبات المدرسه وعندي سواليف نوير

جتني فكره لما قريت الكتاب وكان ودي اطرحها بس خرب الكمبيوتر واللحين جاء الوقت لطرح الفكره

وش رايكم اي واحد يرد على الموضوع يطرح سالفه حصلت له او لاحد من اقربائه كانت حداثه ام

طريفه.

فكرتها هنا اي واحد يرد للموضوع يكتب سالفه مثل ماقلت حصلت له او لاحد من اقربائه

وبكذا نسوي كتاب كتاب بنات دلع والله شئ حلو

شروطها:

*عدم الاسائه لاحد من اعضاء المنتدى اوغير اعضاء المنتدى
* ان لاتكون اسرار عائليه
*طرحها بصفه محترمه ومن راحه النفسيه

تحياتي لكم كتكوته المنتدى

فنو

[.::$#الولهـــــان#$::.]

مشكوووره يالغلا على الفكره الروعه...؛؛<<وإن شاء الله لي رجعه..يسلمووا

[الليدي ReRe]

مرآ فكرهـ حلوهـ


وآنآ آي سآلفه تصير ليآ

آقولهآ هنآ

[ـآلـ[ج]ـرح ارحم~]

انا 50% عجبتني لاني ما عندي كثير مواقف بتسير

بس فكرة حلوة ولا طرائف <<<جاي من كوكب غريب<<>

[همس الشفايف]

لا والله فكره خطيييره

يسلموووووووووو

[رمـ,,ـش الح ــ,,ـزن]

فكررررررررره حلوووه والله

بس الحمدلله انا طبعى هادئه مااحب اشاغب<== علينا هههههه

ان شاء الله اي شي يصير عندي اسدحه هنا

مشكوره حبوبه على الفكره الجونان

لاهنتِ

[.::$#الولهـــــان#$::.]

كلكم لكم رجعه...<<انا رجعت..<<الحمد لله على السلامه..<<الله يسلمك..<ههههه

..المهم..


في يوم عاصف

وسماءً ممطره

وجوٍ هادئ

وأشجار خضراء

وارض قاحله

والجنط معفوط

واشتراك النت مخلص..<<مقدمه حماسيه..جذبتكم صح..هههههه

وفي طريقي إلى البيت فإذا بأبي يناديني..يا بني يابني..<<فأجبته هاه <<قال هوهً تطيح فيها إن شاء الله..وش هاه..قل سم ..او لبيه..قلت..سم أمر تدلل قال امش نروح نشتري كمبيوتر قلت انا ايش ما سمعت عيد وش قلت...قال نشتري كمبيوتر..قلت: قل والله. قال: اي والله..قلت والله تدري يا ابوي اني من زمان ابي اقلك..انك احسن ابو بالدنيا... بس ما حصلتلي فرصه..قال ايه ما شاء الله..
طيب المهم يلا تروح معي عشانك تعرف شوي للكمبيوتر..<<وانا ما اعرف اكتب اسمي..قلت ايه اعرف له؟؟قال يلا شمينا..قلت قدام..

وفي طريقنا لمكتبة جرير..رحنا ولقينا انواع كثيره من الاجهزه..وفي جهاز شكله حلوه ...وسعره غالي شوي..مع اننا لو نعرف للكمبيوتر..كان ما شريناه..لكن ابوي يحسب ان إذا زاد السعر ان الكمبيوتر ما يخرب..المهم شريناه..وعاد انا مسنتر عنده 24 ساعه..ما افكه إلأ للمدرسه..بس


وبعد مرور خمسه اشهر....


عاد الحين اعرف مسنجر واعرف إيميل واعرف كل اللي تبيه..<<بس فيه شيء ما عرفته اللي هو الاختراق...<<<مستعجل بقوووه..ههههههههه

المهم..

وفي صباح باكر..

وجو منعش..

وتوقيع جديد..<<رموووشه اللي سوته لي هههههه

وطلبت لي وجبه برجر كينج لاني كنت مره جيعان والشغاله نايمه<<نومه جدي...هههههههه


سجلت دخولي بالمسنجر...طلعت لي 150 رساله...اللي يشوفه يقوول إيميلات مهمه..وهي كلها مشاركات الناس بالمنتديات...وانا فرحان اضحك على نفسي..وطلع لي واحد..قال احمد ..طب اختار..قلت وعليكم السلام..قال طيب بعدين انت اختار اول..قلت وشو..

وإلأ يعطيني 10 إيميلات..يقوول اختار ..اللي تبيه هديه مني..قلت يا هلا وغلا خلاص لا تسلم..مو لازم...المهم واختار إيميل..فتحت الايميل..اكتشفت ما يلي.."":::""

1-الايميل إيميل ...بنت

2-اضافت الاخت....106 إيميلات...يعني دورلي..

3-من يوم فتحته طلعت لي 6محادثات..

4-ابتلشت....ههههههه:no::cry_1:

5-ما عمري كلمت بنت على المسن..<<<بريئ <<بسم الله علي..ههههه

""..المهم..""


طلع لي يمكن 6 بنات..كلهم الو مين ...الو مين انت وش تبي..قلت:نعم..انا انا..<<ترددت اقوول لهم مين..انا..قلت انا...((واعوذ بالله من كلمة انا..)) انا الهكر ...حموودي<<وانا مااعرف وش السالفه....وجرت معي المحادثة التاليه..::<<بس لحظه ابيكم تعدون كم مره قلت انا



الاخت:هلا مين معي..
انا:معاك احمد..
الاخت:طيب انت هكر قلت ايه هكر..
طيب ليه اخترقت إيميل البنت...
انا :كيفي مزاج كنت طفشان وقلت اطقطق عليكم..وبس..
قال :طيب بسألك سؤال ولا تضحك علي.
قلت: قولي..اسألي.
قالت.:اقدر اصير هكره..
قلت: هاه..:k020:
قالت :وش فيك.
قلت :لا سلامتك..بس والله الهكر يبيله شغل وتدريس..وشغله طويله عريضه.
قالت:طيب ممكن ترجع الايميل للبنت..
قلت:لا يا حبيبتي..من قواعد الاختراق انك إذا اخترقت ما ترجع الايميل..
قالت:تكفى والله البنت تبيه مره ...
قلت لا اسمحيلي..
وبعدين فكينا من خوايتك ذولي كأنهم اول مره يشوفون ولد يكلمونه وش ذا<<مسوي ثقل وطفشان من البنات..
قالت :ما عليك منهم..طيب انت عندك إيميل
قلت انا: ايه
قالت: ممكن تضيفني..
قلت :من هالعين ومن هالعين
اضفتها..وهي تقولي تكفى رجعه قلت شوفي انتبهي تكونين انتي التاليه..فيعني فكينا من هالموضوع..قال طيب..شوي انا رحمتها..قلت خلاص راح ارجع لها الايميل بس بعدين مو الحين.
قالت: متى يعني
قلت :اسبوع
قالت : لا تكفى..باين عليك طيب والله..تكفى..والله البنت جالسه تبكي..وتقووول إذا تبي تكلمها.وتشوفها انها من صدق تبكي..
قلت انا:..:cry_1:لا خلاص ما يحتاج..طيب..برجعه بس مو الحين..بعد شوي..المهم
قالت البنت:طيب شوف خلاص ابي تصير صديقي..بس بشرط.
قلت وشو
قالت: ترجع الايميل الحين..
قلت :طيب..وشوي عطيتها الباسورد..وكلمتني يوم او يومين على إيميلي..وسيفون عربي..::82c7358d87::b050:انتظر ادور لها..متى تدخل..وانا كل يوم انتظرها ما دخلت..طلعت مسويه لي بلوك وديليت..وانا ما اعرف وشو البلوك...<<طلعت الاخت تضحك علي..وانا من بعدها..حسيت اني غبي..وبقوووه..وبعدها رحت وتركت النت يمكن مده اسبوعين..كرهته..واقوول لخويي السالفه..قال والله انك سبيكه..قلت وش اسوي الطيبه وعمايلها..<<<قال الطيبه إلا البنات..ههههههههه

وبس وتوته توته خلصت الحتوته حلوه ولا ملتوته..<<صح علي الجمله ولا لا..هههههههه
والله الصراحه..سالفه انتو يمكن تقووولون عاديه لكن انا حسيت اني غبي...على العموم حصل خير..
وبس آسفين طولت عليكم...بس عشان لا اجيب سالفه منقوله..لكي اثبت لكم انها من عندي..
وشووكرآآآ على المشاهده..باااي

[دلوعه والكلمه مسموعه]

هلا مشكور على الرد وفعلاً راح احطها اول قصه بأسمك

وفي الصفحه الاولى وانا راح احطك المشرف العام لللمجله

وانا المدير التنفيذي وباقي للي يجيبون قصص حقيقيه زي كذا راح يصير

سكرتير التحرير _ هيئه التحرير

السكرتير بس نبغى واحد اما الهيئه فقط 4

وشكرا

نسيت بعد نبغى 3 بنات 3 اولاد فرقه تنظيم المجله يلا ابغى تفاعل منكم

وترى اي كسل راح اغير العضو/ه

[.::$#الولهـــــان#$::.]

وش ذا مجله ولا حكومه..ههههههههههه

طيب يعني انا الحين المشرف العام..<<ياحظك؟....مشكوووره يالغلا..

طيب يلا نبي تفاعل من الاعضاء...

[دلوعه والكلمه مسموعه]

آآآمين انه يجي تفاعل من الاعضاء..